19 наурыз – Жаңару күні / Ағаш егу акциясы
«Бұтақ жайған ағаш қартаймайды, ұрпақ жайған адам қартаймайды»,- дейді. Соңғы кездері тал егу дәстүрі еліміздің түкпір-түкпірінде қолға алынып, тиянақты мән берілуде. Мұның өзі қоғамға пайдасы зор игі бастама емес пе?
"Атаңнан мал қалғанша, тал қалсын" деген даналық сөздің өзі адамға байлықтан гөрі жасыл желектің орасан пайдасы барын айшықтап тұрғандай.
Бұны жете түсінген «Алғабас орта мектебі» КММ-нің білім алушылары, өзін-өзі басқару ұйымының мүшелері мен ұстаздар қатары 2024 жылдың 19 наурыз – Жаңару күні мерекесінде ағаш егу акциясына қатысты.
Акцияның мақсаты: ауыл жастарына, мектеп оқушыларына мектептердің аулаларын өз қолдарымен өздерінің атаулы ағаштарын отырғызу, алдағы уақытта сол ағашты баптауға дәріптеу.
Бүгінгі ағаш отырғызу акциясына мектеп ұжымы, кіші қызметкерлер мен білім алушылар белсенді қатысып, 15 көшет отырғызды.
