«Алғабас орта мектебі» КММ бойынша «Мектеп парламенті» білім алушылардың өзін-өзі басқару органының Президенттік сайлауының өткізілуі туралы

   Қазақстан Республикасы Білім және ғылым министрлігінің Қазақстан Республикасында білім беруді және ғылымды дамытудың 2020-2025 жылдарға арналған мемлекеттік бағдарламасына сәйкес «Алғабас орта мектебі» КММ де білім алушылардың өзін-өзі басқару органдарын дамыту бойынша «Мектеп парламенті» құрылды.

“Мектеп парламенті” өзін-өзі басқару органының Президентін сайлау 16 қыркүйек күні оқушылардың дауыс беруі арқылы өткізілді. Сайлауда оқушылардың 98 %-ы, барлығы 148  адам дауыс берді.

10-16  қыркүйек күндері аралығында мектеп  оқушылары арасында “Мектеп парламенті” өзін-өзі басқару органының көшбасшылығына үміткерлікке байқау жарияланған болатын. Көшбасшылыққа үміткерлікке 8-10 сыныптың оқу үлгерімі жоғары және белсенді 4 оқушы: Сейдахмет Альбина (10 сынып), Отарбаева Аружан (9 сынып), Шағатаева Айым (9 сынып) , Сейтжанқызы Жансая (8 сынып) өз кандидатураларын ұсынды. Өзін-өзі ұсынған үміткерлер алдын-ала бағдарлама дайындап әлеуметтік желілер арқылы үгіттеу жұмыстарын жүргізді.Сайлауға түскен үміткерлердің бағдарламары негізінде 16 қыркүйек күні сайлау болды. “Мектеп парламенті” өзін-өзі басқару органының көшбасшылығына сайлау ашық әрі жария сипатында өткізілді. Дауыс беру санитарлық талаптарды сақтай отыра, әділ түрде өтуі мектеп әкімшілігі тарапынан қадағаланды. Сайлауға мектеп оқушылары белсене қатысып, өз таңдауларын жасап дауыс берді.

Сайлау нәтижесінде:

Сейдахмет Альбина 48 дауыс, Отарбаева Аружан  43 дауыс, Сейтжанқызы Жансая  22 дауыс, Шағатаева Айым 13 дауыс  жинады.

“Мектеп парламенті” өзін-өзі басқару органының көшбасшысы яғни президенті   болып  Сейдахмет Альбина  тағайындалды.