"МЕРЕКЕЛЕРІҢІЗБЕН, АЯУЛЫ ЖАНДАР!" ардагер ұстаздарды 8-наурыз мерекелерімен құттықтау

Алғабас орта мектебінде  ұстаздық қызметін атқарған, бүгінгі күні  еңбегінің зейнетін көріп  отырған  ардагер ұстаздарымызды мерекелерімен құттықтауға  мектеп әкімшілігі мен өзін-өзі басқару ұйымының мүшелері  үйлеріне барды. Ардагер ұстаздарымыз тағылымға толы естелік әңгімелерін айтып, ризашылықтарын білдірді.
Үлкенді сыйлау мен оларға құрмет көрсету – ата-бабадан келе жатқан салтымыз.  Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек. Себебі, әрқайсыларыңыздың еңбектеріңіз ерен. Талай жасты тәрбиелеп, ізбасарларыңызды өсірдіңіздер. Бүгін, еңбектеріңіздің зейнетін көріп отырған шақта да Сіздер ұрпақтарыңызға игілік пен ізгіліктің, пайым - парасаттың үлгісін танытудан жалыққан емессіздер.

БАРЛЫҚ АРДАГЕР ҰСТАЗДАРЫМЫЗДЫ МЕРЕКЕЛЕРІМЕН ШЫН ЖҮРЕКТЕН ҚҰТТЫҚТАЙМЫЗ!