"ҮЗДІКТЕР ШЕРУІ -2023"
Бүгінгі жас - ертеңгі елдің мызғымас тірегі, келешек келбеті. Сол себепті олардың білімді, бәсекеге қабілетті, жан- жақты болуы ел дамуындағы аса маңызды фактор болып табылатыны анық. Қабілетті оқушыларды қолдау мақсатында мектебімізде жүйелі де, маңызды жұмыстар атқарылады. Соның бірі «Үздіктер шеруі» мерекесі.
Мереке мақсаты - мектеп абыройын мектеп, аудан, облыс, республикалық деңгейде асқақтатып жүрген білімді де, қабілетті, өнерлі де, талантты шәкірттерімізді мақтан ете отырып марапаттау.
2023 жылдың 22 желтоқсан күні мектебімізде «Үздіктер шеруі-2023» «Дарынды ұрпақ-жарқын болашақ кепілі» атты салтанатты марапаттау рәсімі өтті.
Үздіктер шеруінде қатысушыларды мектеп директоры Джексембиева Назерке Нұрбақытқызы құттықтау сөз сөйлеп, қатысушыларға мектептегі белсенділігі мен үлестері үшін алғыс білдіре отырып, білім, тірбие саласына байланысты жүргізілген әр іс-шараға жеке-жеке тоқталып, қорытындылады.
Салтанатты рәсімде мектепішілік, аудандық, облыстық байқаулар мен шараларға белсене қатысып, жүлделі орын алған үздік оқушылар мақтау қағазымен марапатталды.
«Бар жақсылық – балаларға!» Бұл ұран сонау Кеңес кезеңінің ұраны болса да, әлі күнге дейін өз мәнін жойған жоқ. Болашағымыз – балаларға қолдау көрсетіп, ынталандырып отыру ешқашан ұмыт қалған емес, ұмытылмайды да.