1923-1930 жылы Алғабас ауылында әрбір үйде оқытылатын жергілікті  тұрғындардың алғашқы сауатын ашатын шағын  үйірме мектеп болған. Сарықамыс, Сарыбұлақ, Шеңгелді, Быжы шағын мектептері деп аталды. Осы жылдары ашылған шағын мектептердің оқушыларына:  Оқап Абдырахмонов, Сейдахмет Ағыбаев, Садық Нұрпейісов,  Әшімбек Жусабаевтар мұғалімдік қызмет атқарып,  сабақ берді. 1930 жылы мұғалім Рысбек Дәрменқұлов арнайы мектеп үйін салдырып, бастауыш сыныптар ашады. 1935 жылы  7-жылдық мектеп қалыптасты.