"Тәуелсіздік тынысың, бүгінгі дәулетің, ертеңгі ырысың" мерекелік салтанатты жиын

Қазіргі таңда Тәуелсіздік-барлығымыз үшін ерекше қасиетті, бірліктің, ынтымақтастықтың пен татулықтың күні. Мемлекетіміздің тәуелсіздігі- ең алдымен халқымыздың бақыты.  

    «Алғабас орта мектебі» КММ де 16 –желтоқсан  Тәуелсіздік күні  мерекесі қарсаңында «Тәуелсіздік тынысың, бүгінгі дәулетің, ертеңгі ырысың» атты салтанатты жиын өткізілді. Салтанатты жиын сағат 12:00 де басталды. «Тәуелсіздік тынысың, бүгінгі дәулетің, ертеңгі ырысың» салтанатты жиыны мектептің мәжіліс залында өткізілді. Алаң мерекелік шараға сай  безендірілді. Сондай-ақ  Тәуелсіздік күніне орай  салтанатты жиынын өткізуге арналған сценарий құрылып мектеп директорымен бекітілді.     

     Салтанатты жиынның өтілу барысы төмендегідей:

Салтанатты жиын жүргізушілердің әдемі әндерімен басталды. Салтанатты жиынның қонақтары таныстырылып, ҚР Мемлекеттік Гимні шырқалды. Салтанатты жиынның алғашқы құттықтау сөзі мектеп директоры Джексембиева Назерке Нұрбақытқызына берілді. Назерке Нұрбақытқызы ұжымды, оқушыларды елеулі еңбек пен қажырлылықтың арқасында келген, қуанышы мен мұңы бірге жүретін- Тәуелсіздіктің торқалы тойымен құттықтады.

  Мереке құрметіне арналып 8-сынып оқушысы Асылбек Әлфараның  орындауда «Жаным Қазақ» әні шырқалды. Келесі құттықтау сөз ауылымыздың әжелер тобының мүшелеріне  берілді.   Әжелер мерекелерімен құттықтап, бейбіт өмір  тілеп жылы лебіздерін білдірді. 

 Құттықтаулардан кейін өзін-өзі басқару ұйымының және 5-9 сынып  оқушылардың дайындаған мерекелік концерттік бағдарламасы ұсынылды.