"Құқықтық мәдениет және оның маңызы" дөңгелек үстел
Тәуелсіз Қазақстанның дамуында азаматтардың құқықтық санасы мен құқықтық мәдениетін дамытудың маңыздылығы ерекше. Сол себептен мектебімізде педагог-ұйымдастырушы Г.Нусипбаева жұмыс жоспары мен өзін-өзі басқару ұйымының жылдық жұмыс жоспарына сәйкес 2023 жылдың 05 желтоқсан күні «Құқықтық мәдениет және оның маңызы» тақырыбында дөңгелек үстел өткізді.
Мақсаты: Балаларды адам құқығының жалпыға бірдей декларациясымен таныстыру, заң және құқық сөздерінің мағынасын түсіндіру. Оқушылардың дүниетанымын кеңейту, ой – өрісін дамыту. Өз құқықтарын білуге, оны қорғауға баулу.
Дөңгелек үстелге тарих пәнінің мұғалімі Н.Еркинбеков, 8-сынып оқушы-лары мен ұйым мүшелері қатысты. Жастар – еліміздің саралы жолын дамытудың болашағы. Қазіргі таңда жастар қоғамды дамытудың барлық саласында белсенділік танытуда. Соған қарамастан жастар арасында қылмыстың өсе түсуі, жағымсыз мінез-құлықтар мен әдеттердің көрініс алуы кездесіп отыр.
Бұл ағаттықтарды жою, алдын-алу үшін біздің тараптан құқықтық білімді, тәрбиені жетілдіруге арналған дөңгелек үстелде толыққанды ақпараттар айтылды. Сонымен қатар оқушылармен ашық сұрақтар мен әңгімелер жүргізіліп, презентациялар таныстырылды.
