«19 қараша – Халықаралық темекіге қарсы күрес» күніне орай ұйымдастырылған спорттық жарыстардың өтілгендігі туралы

   Өзін-өзі басқару ұйымының жұмыс жоспарына сәйкес  «19  қараша- Халықаралық темекіге қарсы күрес» күніне орай жоғары сынып оқушыларының  қатысуымен спорттық шаралар  өтті. 

   Мақсаты: оқушыларға никотиннің зияндығын түсіндіру, оқушыларды салауатты өмірге жетелеу, денсаулықты сақтау, улы заттардың адам ағзасын уландырып, тоздыратынын айтып түсіндіру. 

    Шара барысында қатысушыларға темекі шегушілікке қарсы күресті насихаттау барысында  педагогикалық-психологиялық тұрғыда түсінік беру жұмыстары ұйымдастырылды. Сонымен қатар Мектеп президенті Ж.Сейтжанқызы «Темекі шегіп, арақ ішкен – денсаулықтың түбіне жеткен» тақырыбында баяндама оқыды. Дене шынықтыру пәнінің мұғалімдері Е.Шыңғысбай мен Е.Жексенбай оқушыларға спорттық жарыстың ережелерімен таныстырып, ойын барысында қауіпсіздік шараларын қатаң сақтау керектігін айтып, сәттілік тіледі. Кестеге сәйкес Оқушылар салауатты өмір салтын ұстану үшін   футболдан, волейболдан және эстафеталық спорттық жарыстарға қызығушылықпен қатысып, салауатты өмір салтын ұстануға белсенділік танытты.