« АЛТЫН КҮЗ» мектепішілік икебана көрмесінен «Үздік қолөнер» байқауы

Күз мерекесіне орай  өзін-өзі басқару ұйымының ұйымдастыруымен  1-4  сыныптар арасында « Алтын күз» мектепішілік икебана көрмесінен «Үздік қолөнер»  байқауы  өткізілді.

Мақсаты: Күз мезгілінің ерекшеліктерін ұғындыру. Мерекелік көңіл – күй орнату.Шығармашылық ой-қиялдарының дамуына ықпал ету. Оқушыларды шығармашылық жұмысқа баулу.

   Шара барысында мектеп директері Н.Джексембиева құттықтау сөз сөйлеп, сыныптар мен оқушыларға сәттілік тіледі. Шара жүргізушілер осы байқауда әділ баға беретін төрешілермен оқушыларды таныстырды. Сонымен қатар шарада мерекелік көңіл-күй сыйлау үшін 5- сынып оқушысы Сейілхан Есбол «Достарым» әнін орындаса, 3-4 сынып оқушылары «Күз» әнін орындады. Сыныптар төрешілерге, көрермендерге «Алтын күз» тақырыбындағы  икебана көрмелерін таныстырды. Төрешілер оқушылардың қөлөнер жұмыстарын көріп, қорытынды бөлімде  жеңімпаз сыныптар мен оқушыларды  мадақтап, марапаттады.

    Байқау қорытындысы бойынша сыныптар арасында І орынды 4-сынып, ІІ орынды 3-сынып, ІІІ орынды 2-сынып иеленді. Ал  «Үздік қолөнер»  номинациясымен 1-сынып оқушылары Ореқызы Айзере мен Серік Али, 2-сынып оқушысы Бақыт Айсұлтан, 3-сынып оқушысы Базарбек Бексұлтан, 4-сынып оқушысы Амангелді Асыл иеленді.