Ұстаздар мерекесі күніне арналған іс-шаралардың ұйымдастырылуы

   Ұстаз – әлемдегі ең қызықты әрі ең қиын мамандық. Төрткүл дүниенің бүгінгі көрінісі ,қазіргі ахуалы- ұстаздар еңбегінің нәтижесі. Тарыдай болып келген бүлдіршіндердің қолына қалам ұстатып, әріп жазу мен есеп –қисаптың қыр сырын үйретіп , он бір жыл бойы оқытып, таудай азаматтарды алтын ұядан ұшыратын ұстаздардың еңбегі өлшеусіз. Бұл ретте шәкірттерге білім беруші адам қоғамға бірінші кезекте азаматты, содан кейін ғана белгілі бір кәсіп иесін сыйлайды.
    Осынау Ұстаздар күніне орай "Алғабас орта мектебі" КММ де  «Ұстазым ұлы есім» тақырыбында мерекелік іс-шаралар ұйымдастырылып өткізілді.Мерекелік іс-шара барысында  "Жас Ұлан" өзін-өзі басқару ұйымының белсенділері ұстаздарды мектеп дәлізіне қарсы алып құттықтады. Сонымен қатар оқушылар ұстаздарға  арналған концерттік бағдарлама ұйымдастырды. Шарада оқушылар өлең шумақтарын айтып,би билеп, ән шырқап өз өнерлерін көрсетті. Ұстаздар күніне арналған қабырға газеттері шығарылып, құттықтаулар дайындалды.