"Қоғамдағы заң және тәртіп" зияткерлік ойын

2025 жылдың 22-қаңтар күні  «Азамат» дебаттық  клубының жетекшісі Б.Сырдарбек «Адал ұрпақ» ерікті мектеп клубының іс-шаралар жоспарына сәйкес клуб мүшелері  мен дебаттық клуб мүшелерінің қатысуымен  «Қоғамдағы заң және тәртіп» тақырыбында  зияткерлік ойын өткізді.

  Ойынның мақсаты: Адам құқықтарын сақтау, өз құқықтары мен міндеттерін жүзеге асыруға дайындық қабілеттілігін қалыптастыру.Оқушыларға адам құқығы, ибала құқығы, оқушының құқығы мен міндеті ұғымдарын меңгерту, проблемалық жағдаяттарды құқықтық тәсілмен шешуге үйрету. Оқушылар арасында көшбасшылық қасиеттер мен патриоттық сезімді дамыту, логикалық ойлау, есте сақтау қабілеттерін шыңдау. Өз ойын анық, еркін жеткізе білуге тәрбиелеу.

  Ойын барысында топтар ережеге сәйкес зияткерлік тапсырмаларды орындап, қоғамдағы заң және тәртіп бойынша  әділеттілік, ашкөздік туралы айтты, әртүрлі өмірлік жағдайларды талдады. Қоғамдағы заң және тәртіп ұғымын ашып, құқық бұзушылықтардың себептері мен теріс салдарын анықтады. Қазылар алқасы қатысушыларға ережелерде қарастырылмаған, бірақ тақырыпты тереңірек ашуға және командаларды объективті бағалауға мүмкіндік беретін қосымша сұрақтар қойды. Командалар қызықты дәлелдер келтіріп, жақсы дайындықтарын, тақырыпты білетіндерін көрсетті.

Ойын қорытындысы бойынша «Азамат» командасы 1 орынды, «Алаш» командасы 2 орынды, «Қоғам» командасы 3 орынды иеленді.

  Іс-шараның барлық қатысушыларына белсенді қатысқаны үшін алғыс хаттар табысталды.