«Жасыл мектеп» және «Оқу кабинеттерін тазалау» акциялары

Ағымды жылдың 10-11 сәуір күндері мектебімізде «Қамқор»  жобасы аясында бірқатар игі шаралар ұйымдастырылды. Атап айтқанда, «Жасыл мектеп» және «Оқу кабинеттерін тазалау» акциялары белсенді түрде өткізілді.

1. «Жасыл мектеп» акциясы:

  Бұл акцияның мақсаты – оқушылардың экологиялық мәдениетін қалыптастыру, мектеп аумағын көгалдандыру және табиғатты қорғауға деген жауапкершілік сезімін дамыту. 

Акция барысында келесі жұмыстар атқарылды:

Мектеп ауласына ағаштар мен гүл көшеттері отырғызылды;

Гүлзарлар ретке келтірілді;

Оқушылар өз сынып жетекшілерімен бірге мектеп маңын қоқыстан тазартып, абаттандыру жұмыстарына атсалысты.

2. «Оқу кабинеттерін тазалау» акциясы:

  Бұл шара оқушылардың тазалыққа деген мәдениетін арттыруды мақсат етті. Әр сынып өз оқу кабинеттерін тазалап, артық қағаздар мен қажетсіз заттарды ретке келтірді. Акция барысында:

Парта мен орындықтар сүртілді;

Тақта мен терезелер тазаланды;

Сынып ішіндегі бөлме гүлдеріне  күтім жасалды.

   Аталған іс-шаралар оқушылардың белсенді қатысуымен, жоғары деңгейде өтті. Мұндай акциялар оқушыларды ұйымшылдыққа, тазалыққа, қоршаған ортаға деген жауапкершілікке тәрбиелеуде маңызды рөл атқарды.