"Жақсылық жасап жарысайық!" ұранымен "Мейірімге толы жүрек" акциясы

  Мейірімді жүрек – бұл өз жылылығымен бөлісе алатын және өзге адамның қайғысын түсінетін жүрек, бұл жанашырлық пен қуануға қабілетті, яғни  шынайы болуға қабілетті жүрек. Мейірімділік әлемді құтқарады. Осы күштің арқасында әлем әлі күнге дейін сақталып келеді. Қайырымдылыққа, жанашырлыққа, шынайылыққа тек басқа адамдардың сөздерінде немесе мысалдарының негізінде тәрбиелеу мүмкін емес. “Мейірімді жүрек” қайырымдылық акциясы тек көмек алушылар үшін ғана емес, сонымен қатар көмек көрсететіндер үшін де маңызды. Үлкен буынға құрмет-халықтың мәдениеті мен тәрбиесінің бейнесі.

   2025 жылдың 10-18 ақпан аралығында  "Мектеп парламенті" өзін-өзі басқару ұйымының "Қамқорлық (еріктілік) фракциясының жұмыс жоспарына сәйкес және мектеп әкімшілігінің қолдауымен  «Жақсылық жасап, жарысайық!»  ұранымен  «Мейірімге толы жүрек» акциясы өтті.
    “Мейірімді жүрек” қайырымдылық акциясының негізгі мақсаты – жас ұрпақтың бойында адамгершілік қасиеттер мен мейірімділікке, жанашырлыққа, көмекке келуге, қарт адамдарға құрмет көрсетуге тәрбиелеу.
    Акцияға мектеп ұжымы, кіші қызметкерлер мен білім алушылар белсене қатысып, көп көмек көрсетті. Акция барысында жиналған оқу-құрал жабдықтары мен азық-түліктер комиссия шешімінің қорытындысымен  көмекті қажет ететін 4 отбасыға азық-түлікпен  қамтамассыз етілсе, 7 оқушыға оқу-құрал жабдықтары берілді.  Барлық заттар мектеп әкімшілігінің  жетекшілігімен  табысталды.

Осындай игі шаралар алдағы уақытта да жалғасын табады!