"АЛТЫН ТЕҢГЕ" тәрбие сағаты

2024 жылдың 15 қараша күні «Мектеп парламенті» өзін-өзі басқару ұйымының  «Мәдениет және өнер» фракциясының жұмыс жоспарына сәйкес 15 қараша – Ұлттық валюта – теңге күніне орай: «Алтын теңге» тақырыбында  8 сынып білім алушыларымен  тәрбие сағаты өткізілді.      

   Мақсаты – оқушыларға Қазақстан Республикасының ұлттық валютасы теңге туралы түсінік беру, оның пайда болу тарихын, маңызын, қолданылу саласын таныстыру, ұлттық мақтаныш сезімін қалыптастыру және экономикалық білімдерін кеңейту.Сонымен қатар, оқушылардың отансүйгіштік қасиеттерін дамыту, өз еліне, мәдениетіне және ұлттық құндылықтарына құрметпен қарауға тәрбиелеу.

Шара барысында оқушылар төл теңгеміздің шығу тарихымен, ұлттық валютамыздың жасалу ерекшеліктерімен, бейнеленген суреттердің мән-мағынасымен танысты. Банкноттар мен монеталардың фабрикада, Монета сарайында шығарылу технологиясымен, теңгенің даму тарихы туралы бейнефильмді тамашалды. Оқушылары ұлттық тенге  туралы  тарихи деректерге көп мән беріп, теңге сөзінің шығуы, ежелгі ақшалар мен монеталдар туралы ізденіс жұмысымен айналысты, ақпараттарды оқып  топпен  талдап,  пікірлерімен бөлісті.