«КҮЗ КЕШІ КӨҢІЛДІ» мерекелік кеш
2023 жылдың 20 қазан күні өзін-өзі басқару ұйымының ұйымдастыруымен 8-11 сыныптар аралығында "Күз кеші көңілді" атты дәстүрлі күз мерекесі өтті. Бұл мереке оқушылардың әртістік қабілетін дамыту, еңбексүйгіштікке баулу, табиғатты сүюге тәрбиелеу, ауызбіршілікке бейімдеу, достық қарым-қатынастарын нығайту мақсатында ұйымдастырылды.
Шараға барлық 8-11 сынып оқушылары, сынып жетекшілер мен жас ұстаз-дар қатысты. Мектеп директоры Н.Джексембиева оқушыларды мерекелерімен құттықтап, мерекелік кешті жақсы өткізулеріне тілек білдірді. Мерекенің әсем де , әсерлі өтуіне мектеп оқушылары бар күш жігерлерін салды. Кештің бағдарламасы бойынша сыныптар өз өнерлерін көрсетіп, қызықты көріністерін қойып, түрлі ойындар ойнады. Кеш бойы сыныптар белсенділік танытып, өз өнерлерін паш етті. «Күз кеші көңілді» атты мерекелік шара оқушылардың бойына осындай жарқын әсер қалдырды.
Кеш соңында шараға белсене қатысқан оқушылар түрлі номинациялармен марапатталып, сыйлықтар табысталды.
Іс-шара туралы мәлімет әлеуметтік желілерге және мектеп сайтына жүктелді.
