"КҮЗ КЕШІ КӨҢІЛДІ" мерекелік шара

    2024   жылдың 18 қазан күні «Жас Ұлан» өзін-өзі басқару ұйымының жұмыс жоспарындағы «Зерде» бағыты бойынша  8-11 сыныптар аралығында  «Күз кеші көңілді»  атты дәстүрлі күз мерекесі өтті.  Бұл мереке оқушылардың әртістік қабілетін дамыту, еңбексүйгіштікке баулу, табиғатты сүюге тәрбиелеу, ауызбіршілікке бейімдеу, достық қарым-қатынастарын нығайту мақсатында  ұйымдастырылды.

     Шараға барлық 8-11 сынып оқушылары, сынып жетекшілер мен  жас ұстаздар  қатысты. Мектеп директорының м/а Ж.Амиржанова мен директордың тәрбие ісі жөніндегі орынбасары А.Карсыбаева  оқушыларды мерекелерімен құттықтап, мерекелік кешті жақсы өткізулеріне  тілек білдірді. Мерекенің әсем де , әсерлі өтуіне мектептегі өзін-өзі басқару ұйымының мүшелері, мектеп белсенділері бар күш   жігерлерін салды. Кештің бағдарламасы бойынша сыныптар өз өнерлерін көрсетіп, қызықты көріністерін қойып, түрлі ойындар ойнады. Кеш бойы сыныптар белсенділік танытып, өз өнерлерін паш етті.  «Күз кеші көңілді» атты мерекелік шара    оқушылардың  бойына осындай жарқын әсер қалдырды.

   Кеш соңында шараға белсене қатысқан оқушылар түрлі номинациялармен марапатталып, сыйлықтар табысталды.