«Жемқорлыққа жол жоқ!» сурет байқауы

Жас ұрпақ арасында сыбайлас жемқорлыққа қарсы мәдениетті насихаттау, адалдыққа, әділдікке тәрбиелеу мақсатында  педагог-ұйымдастырушы Г.Нусипбаева 9-10 сынып оқушылары арасында "Жемқорлыққа жол жоқ !" тақырыбында сурет байқауын өткізді.

  Сурет байқауына 9-10 сынып оқушылары арасынан 13 оқушы қатысты.

 Педагог-ұйымдастырушы  Г.Нусипбаева мен көркем еңбек пәнінің мұғалімі Э.Жылкибаева қатысушыларға байқаудың тақырыбын, мақсатын түсіндіріп ережесімен таныстырды.       

   Байқау барысында білім алушылар жемқорлық елдің ұлттық мүдделеріне, экономикалық қауіпсіздігіне нақты қауіп төндіретінін сурет арқылы түсіндіре білді. Нәтижесінде І орынды 10-сынып оқушысы Думанбек Перизат, ІІ орынды 10-сынып оқушысы Сейдекен Аяжан, ІІІ орынды 9-сынып оқушысы Смағұл Ернар иеленді.