"Бейімбет Майлин – қазақ әдебиетінің көрнекті тұлғасы"

    Ағымды жылдың 27 қараша күні «Жас Ұлан» өзін-өзі басқару ұйымының жұмыс жоспарындағы «Руханият» бағыты бойынша және тәрбие жұмысының жұмыс жоспарына сәйкес қазақ тілі мен әдебиеті пәнінің мұғалімі Г.Жамаубаева қазақ классигі, драматург Бейімбет Майлиннің туғанына -130 жыл толуына орай «Бейімбет Майлин – қазақ әдебиетінің көрнекті тұлғасы» тақырыбында әдеби шара өткізді. 

Шараның  мақсаты: Жас ұрпақты еліміздің тәуелсіздігі мен егемендігі үшін күрескен, Алаштың ардақтысы Бейімбет Майлиннің өмірі мен шығармаларын оқып білуге баулу, ақынның өз заманындағы саяси - қоғамдық көзқарасын таныту, ұлтжанды ұрпақ тәрбиелеу.

 Шараға 5-сынып оқушылары мен өзін-өзі басқару ұйымының мүшелері қатысты.

    Шара барысында оқушылар атақты «Шұғаның белгісі» повесінің үзіндісіне қойылым  қойды және ақынға арнау оқып, қаламгердің шығармашылығы мен озық туындыларының ерекшеліктеріне тоқталып ой бөлісті.

«Көркем сөздің хас шебері»  атты кітап көрмесі таныстырылып, «Сандар сөйлейді» ойыны ұйымдастырылды.