"КҮЗГІ АСАР" ЖӘРМЕҢКЕСІ

    2024 жылдың   08 қараша күні мектептегі өзін-өзі басқару ұйымының жұмыс жоспарына сәйкес 1-4, 5-11 сыныптар аралығында «Күзгі асар» жәрмеңкесі өтті. 

Жәрмеңкенің мақсаты: оқушылардың бойында қамқорлық сезімдерін ояту, игі істер жасауға дағдыландыру. Оқушыларды бір-біріне көмек беруге және бірлесіп жұмыс жасауға үйрету. 

         Жәрмеңкеміздің ашылуында мектеп директорының м/а  Ж.Амиржанова және ата-аналар комитетінің төрағасы С.Әділтай  ақ тілектерін айтып, ата- аналар мен оқушыларға сәттілік тіледі. «Күзгі жәрмеңке» мерекесі жылдағыдан ерекше өтті. Күзгі піскен көкөніс  пен жеміс-жидек, қолдан пісірілген тағамдар,  өсімдіктерден   жасалған   әртүрлі мүсіндер мен гүл   шоқтары  көрменің   көркін аша түсті. 

       Оқушылар үлкен қызығушылықпен сауда-саттық жасады.  Жәрмеңге  мектебіміздің  барлық ұжымы, ата-аналар мен  білім алушылар белсене  қатысты. Жәрмеңкеден жиналған қорды ұйым мүшелері мектептің қорына 

     берді. Сазды музыка аясында, күншуақта көңілді өткен бұл мерекеден қатысушылар    адамгершілік-этикалық тәрбие ала отырып, экономикалық   білімдерін кеңейте  түсті деуге болады.