"ҚЫЗ ТӘРБИЕСІ - ҰЛТ ТӘРБИЕСІ" дөңгелек үстел

Қазіргі заман қыз бала тәрбиесіне ерекше мән беруді қажет етеді. Себебі, қыз  баланы  тәрбиелеу  деген  сөз - ұлтты  тәрбиелеу  деген  сөз. Әр елдің өміріндегі шешуші кілт қыздарға берілетін тәлім-тәрбие арқылы өлшенеді. 
   Біздің  халқымызда «Қыз» деген сөзді әдеміліктің, әдептіліктің, жан-жақты сұлулықтың символы ретінде қолданады. Осы орайда педагог-ұйымдастырушы Г.Нусипбаева оқу-тәрбие жұмысы мен өзін-өзі басқару ұйымының  жылдық жұмыс жоспарына сәйкес 5-11 сыныптың  оқушы қыздарымен «Қыз тәрбиесі-ұлт тәрбиесі» тақырыбында дөңгелек үстел өткізді.
  Шараның мақсаты: Әдет-ғұрып, салт-дәстүрлерін қыз баланың бойына сіңіре отырып, қыз балаға келешекте ана, ақ босағаның аруы, шаңырақтың құт-берекесі екнін ұғындыру. Әдептілікке, сыпайлыққа, инабаттылыққа, мейірім-ділікке, төзімділікке, шыншылдыққа тәрбиелеу.                                            

  Шараға мектеп медбикесі А.Батырбекова, «Сырғалым» қыздар ұйымының жетекшісі А.Дәуренебек қатысты.

 Шара барысында оқушы қыздарға тақырып аясында ашық әңгімелер, сұрақ-жауаптар жүргізіліп, түрлі кеңестер берілді. Сонымен қатар қыз бала тәрбиесіне байланысты бейнероликтер көрсетілді.