1-наурыз Дүниежүзілік Азаматтық қорғаныс күні
«Қазақстан Республикасы Төтенше жағдайлар министрлігі Жетісу облысының Төтенше жағдайлар департаменті Көксу ауданының Төтенше жағдайлар бөлімі» Республикалық мемлекеттік мекемесінің хатына сәйкес «Алғабас орта мектебі» КММ-де 2024 жылдың 01 наурыз күні сағат 10.30- да оқу-жаттығу өтті. «Баршаның назарына!» дабылы қағылып білім алушылар, ұстаздар мен кіші қызметкерлер сыртқа шығып, қауіпсіз орынға орналасты. АӘТ пәнінің мұғалімі Ә.Исағұлов оқу-жаттығуға арналған жиынды ашып, іс-шара жоспарымен таныстырды. Сынып жетекшілер АӘД пәнінің мұғалімі Ә.Исағұловқа рапорт берді. Ә.Исағұлов сынып жетекшілердің рапортынан кейін Азаматтық қорғаныс пен төтенше жағдайлар штабының бастығы директордың оқу ісі жөніндегі орынбасары Мырзағалиева Құралай Мырзағалиқызына рапорт берді.
Жиында «Сейсмикалық оқу жаттығу», «Өрт кезінде қауіпсіз орынға көшу» тақырыптарында оқу жаттығу жұмыстары ұйымдастырылды. 10-сынып оқушылары А.Ерзат пен А.Амангелді төтенше жағдайлар кезіндегі (өрт, жер сілкінісі, су тасқыны) тақырыбында баяндама оқыды. Педагог-ұйымдастырушы Г.Нусипбаева «Жер сілкінісі кезіндегі іс әрекет» тақырыбында түсіндіру жұмысын жүргізді.
Мектеп медбикесі А.Батырбекова аяқ асты жарақат алған кездегі алғашқы медициналық көмектің қалай көрсетілетіндегі туралы оқушыларға түсіндіру жұмыстарын практикалық тұрғыда көрсетті.
АӘТД пәнінің мұғалімі Ә.Исағұлов табиғи апат болған жағдайда не істеу керектігі туралы түсіндірме жұмыстарын жүргізе отырып, өрт сөндіру үшін керекті құралдарды пайдалану әдістерімен таныстырды.
