«Алғабас орта мектебі» КММ -де жасөспірімдер арасындағы қылмыстың алдын алу мақсатында өткізілген кездесу туралы мәлімет

Қаңтар айының ІІ аптасында жасөспірімдердің арасында қылмыстың алдын-алу,баланың денсаулығына зиян келтіретін ақпараттың, насихат пен үгіттің теріс ықпалынан қорғау мәселелеріне мәселелерін түсіндіру,оқушылар арасында зорлық-зомбылықтың алдын-алу, әлімжеттік, бопсалау, қоғамдағы қайыршылық әрекет-тердің алдын-алу мақсатында Көксу АПБ ЖПҚБ ЮГТ УПИ мен кездесу өтті.

Жиналысты мектеп директоры Н.С.Еркинбеков жүргізіп отырды. Жиналыс-тың мақсатын айтып түсіндірді. Одан соң кездесу қонақтарына сөз берілді. 

Көксу АПБ ЖПҚБ ЮГТ УПИ полиция аға лейтенанты Каримжан М.С өз сөзінде қазіргі жағдайларға байланысты көптеген мысалдар келтіре отырып, жасөспірімдер арасындағы қылмыстың алдын-алу бойынша орын алып жатқан жағымсыз жәйттарды айтып түсіндірді. Осының барлығы әлеуметтік желілердегі байланыстан туындап жатқандығын айтты.  Оқушыларға осындай түрлі сайттарға кірмеу керектігін айтып, ата-аналарға үйде түнгі уақытта телефон бермеулерін талап етті. 

Полиция капитаны Бекенов Д ата-аналарға да үйдегі балаларының мінез-құлқына үнемі бақылау жасап, әрбір отбасында қандай жастағы балаларға оның жеке ерекшелігін ескеріп, ақылдасып отыру керектігін айтып өтті. 

Кешкілік уақытта әр ата-ана өз баласының немен айналысып отырғанын біліп, үнемі қадағалап отыру керектігін қадап айтты. 

 Кешкі мезгілде көшеде жүрулеріне болмайтындығын айтты. Баланың  тәрбие-сіндегі әдепсіздік қоғам үшін зиянды. Сондықтан әрбір ата-ана баласының тәртібі мен білім алуына жауапты бірден-бір тұлға екендігін, бала тәрбиесіне үлкен көңіл бөлу керектігін айтып өтті. Мектеп жасындағы оқушылардың көлік жүргізуге болмайтындығы ескертілді.