17
ноябрь
2023
«MiBattlе» интеллектуалды ойынны
Ағымды жылдың қараша айының 17 күні мектебімізде педагог-ұйымдастырушы мен өзін-өзі басқару ұйымының жұмыс жоспарына сәйкес 8-11 сынып оқушылары арасында командалық «Mi battle» интеллектуалды ойыны өтті. «Шын жүйрікке шаршы топта қарсылас жоқ» деуші еді дана қазақ. Логика мен ой ұшқырлығын, шапшаңдық пен білімді талап ететін аталмыш ойынға: «Сұңқар», «Алғырлар», «Тұран», «Болашақ жастары», «Жігіттер», «Жалындылар», «4/1», «Грантники» командалары қатысып, өзара кім мықтыны анықтады. Бес кезеңге созылған сайыстың әр кезеңі қызыққа толы болды. Бірінде жасырылған әуендер мен кинолардың аттарын табу керек болса, ал , бірінде логикалық сұрақтар қойылды. Бұл жерде тағы бір ескерерлік және қажет етерлік нәрсе: «шапшаңдық» болып табылады. Төрешілер уақыт аяқталған соң жауап парақшаларын жинап алып отырды. Осы сындардан мүдірмей, қарсыластарынан оқ бойы озып шыққан «Барыс» тобы жарыс жеңімпаздары болып табылды. Ал екінші орынды «4/1» тобы қанжығаласа, үшінші орынды «Грантники» командасы иеленді. Мектебіміздегі жақсы көріп ойнайтын және сұранысқа ие болған «Mi battle» интеллектуалды ойыны алдағы уақытта да өз жалғасын таппақ.
