"Ғарышкер болғым келеді" эссе байқауы
12 сәуір – Ғарышкерлер күні. 1961 жылы 12 сәуірде Қазақстанның Байқоңыр аймағынан тұңғыш космос кораблі ғарышқа аттанды. Сөйтіп, Юрий Гагарин – әлемнің тұңғыш ғарышкері, ал Байқоңыр – ғарыш аймағына айналды. Алғашқы ғарыш сапарынан кейінгі жылдары 500-ден аса ғарышкер аспан әлеміне сапар шегіп, ғылыми зерттеулер жүргізді.Солардың ішінде Қазақстанның үш өкілі, өз елінің ұлттық батырлары, ұшқыш-ғарышкерлер: Тоқтар Әубәкіров, Талғат Мұсабаев және Айдын Айымбетовтер де бар. Олардың есімдері Қазақстан тарихы бетіне алтын әріптермен жазылды.
Осы Әлемдік айтулы күнге арнап «Жас Ұлан» өзін-өзі басқару ұйымының жұмыс жоспарындағы «Руханият» бағыты бойынша 2024 жылдың 11 сәуір күні «Ғарышкер болғым келеді» тақырыбында 7-8-9 сыныптың білім алушылары арасында эссе байқауы ұйымдастырды.
Байқаудың мақсаты мен міндеттері: Оқушыларға қазақтың мәртебесін көкке көтеріп жүрген ғарышкер ағаларымыздың өмір тарихы туралы және ғарыш айлағы Байқоңыр туралы білімдерін кеңейту, өз туған жерін сүюге, құрметтеуге , патриоттық сезімге тәрбиелеу болып табылады. Сонымен қатар, оқушылардың ғарыш туралы білімдерін молайту, аспан әлеміне деген қызығушылықтарын арттыру.Білім алушылардың бос уақыттарын тиімді пайдалануға шақыру.
Байқауға 20-ға жуық оқушы қатысып, 3 оқушы мектеп директорының І, ІІ, ІІІ дәрежелі дипломдарымен марапатталды.
І дәрежелі диплом иегері:
9 сынып оқушысы Манат Аяулым
ІІ дәрежелі диплом иегері:
7 сынып оқушысы Әбу Нуриддин
ІІІ дәрежелі диплом иегерлері:
9 сынып оқушысы Нұржан Данагүл