7 СӘУІР -ДҮНИЕЖҮЗІЛІК ДЕНСАУЛЫҚ КҮНІ /СПОРТТЫҚ ШАРАЛАР/
Адам денсаулығы – бұл адамзаттың ең құнды байлығы. Бұл бізге табиғат сыйлаған нағыз байлық. Адам өз денсаулығын жас кезінен сақтауға міндетті, өйткені мықты ұлтты қалыптастыратын дені сау адам.
Жыл сайын бүкіл әлемде 7 сәуір Дүниежүзілік денсаулық күнін атап өтіледі. Осы орайда мектебімізде «Жас Ұлан», «Мектеп парламенті» өзін-өзі басқару ұйымының жұмыс жоспарына сәйкес дене шынықтыру пәнінің мұғалімдері мен өзін-өзі басқару ұйым мүшелерінің ұйымдастыруымен спорттық шаралар өтті.
Спорттық шарада ДТІЖО А.Карсыбаева шараға қатысушыларды 7 сәуір -Дүниежүзілік денсаулық күнімен құттықтап, сәттілік тіледі. Мектеп медбикесі А.Батырбекова салауатты өмір салтын ұстануға шақырып, жадынамалар таратты. Дене шынықтыру пәнінің мұғалімдері оқушыларға шараның жоспарымен, ережесімен таныстырып, 100, 500,1000 метрге жүгіруден, арқан тартыстан, қол күрестен, белтемірге тартылудан жарыстар өткізді. Спорттық шара соңында төрешілер жеңімпаздарды анықтап, марапаттады.
Біздің денсаулығымыз баға жетпес дүние. Бұл күні денсаулық дегеніміз тек аурудың болмауы ғана емес, сонымен бірге біздің жанымыздың жай-күйінің тыныштығы екенін есте ұстаған жөн.