"МЕНІҢ АУЫЛЫМ" СУРЕТ БАЙҚАУЫ
2024 жылдың 04 сәуір күні педагог-ұйымдастырушы Г.Нусипбаеваның жылдық жұмыс жоспарына сәйкес 6-7 сынып оқушылары арасында «Менің ауылым» тақырыбында сурет байқауын өткізді.
Мақсаты:оқушылардың шығармашылық қабілетін шыңдап, өз белсенділігін көрсетуге мүмкіндік беру. Сурет салу дағдысын, логикалық ойлау, еске түсіру, елестету қабілеттерін арттыру. Туған ауылдың тарихын білуге тәрбиелеу, туған жеріне деген сүйіспеншілігін арттыру.
Педагог-ұйымдастырушы Г.Нусипбаева байқауға қатысушыларға сурет байқауының тақырыбын, мақсатын хабарлап, ережелерімен таныстырды. Көркем еңбек пәнінің мұғалімі Э.Жылкибаева байқаудың тапсырмаларын айтып өтіп, қатысушыларға сәттілік тіледі.
Байқауға қатысушылар қарындаштар мен бояулардың көмегімен тақырыпқа байланысты өз ойлары мен эмоцияларын қағазға жеткізді. Барлық жұмыстар қызықты, мағыналы болды. Оқушылар ауылға байланысты өздерінің идеяларын бейнелеуге тырысты.
Сурет сайысының қорытындысында қазылар алқасы әр оқушының жұмысын атап өтіп, 5 оқушының жұмысын үздік деп таңдалды. Сайыс нәтижесі бойынша І орынды 7-сынып оқушысы Қанатбек Елина, ІІ орынды 6-сынып оқушысы амантай Назым мен Бейсенәлі Риза, ІІІ орынды 7-сынып оқушысы Сырдарбек Жауқазын мен 6-сынып оқушысы Асқарбек Сезім иеленді.