"КӨРІСУ МЕЙРАМЫ - ІЗГІЛІК ҮЛЕСІ"

     «Алғабас орта мектебі» КММ-де  «Рухани жаңғыру» атты бағдарламалық мақаланы жүзеге асыруға бағытталған «Наурыз шуағы» атты мерекелік іс - шара аясында  14 наурыз - Көрісу  күніне орай мерекелік іс - шара  өткізілді.
     Іс - шара аясында , мектеп оқушыларына , Ұлыстың ұлы күнімен құттықтау,  төс қағыстырып,  сәлемдесу, көрісу рәсімін жасау, бір - бірімен араздасқан адамдар өзара кешірім сұрайтын, арасы алыстаған ағайын, туыс - бауырлардың жақындасатын күн екендігі туралы мағлұмат беру көзделді. 
   Мерекелік іс - шара аясында  мектеп директоры Н.Джексембиева сөз алып оқушыларды, ұстаздарды мерекемен құттықтап, жылы лебізін білдірді. 

    Сонымен қатар, оқушыларға, ұстаздарға мерекелік концерттік бағдарлама ұсынылып, тақырып аясында сұрақ-жауаптар жүргізіліп, түрлі ойындар ойнатылды. 

      Мерекелік құттықтау  мақсатында «Амал мерекесі»  тақырыбында қабырға газеттері шығарылды.

Іс-шараның нәтижесінде өскелең ұрпақ, мектеп оқушылары арасында сыластық, үлкеннің кішіге құрметі, кішінің үлкенге ізеті артып, кешірімді болу   секілді  ізгі қасиеттерді бойларына сіңірді.