1-НАУРЫЗ АЗАМАТТЫҚ ҚОРҒАНЫС КҮНІ

   Мектепте сағат 10.00- де  «Баршаның назарына!» дабылы қағылып оқушылар сыртқа шығып қауіпсіз орынға орналасты. 1-наурыз Дүниежүзілік Азаматтық қорғаныс күніне байланысты салтанатты жиын өтті.

 АӘТД пәні мұғалімі жиынды ашып, іс-шара жоспарымен таныстырды. Жиында «Сейсмикалық оқу жаттығу», «Өрт кезінде қауіпсіз орынға көшу» тақырыптарында оқу жаттығу жұмыстары ұйымдастырылды. Өзін-өзі басқару ұйымының мүшелері  Б.Қонысбай мен А.Сейдахмет төтенше жағдайлар кезіндегі (өрт, жер сілкінісі, су тасқыны) тақырыбында баяндама оқыды. 7-сынып жетекшісі Г.Турлығазиева «Жер сілкінісі кезіндегі іс әрекет» тақырыбында түсіндіру жұмысын жүргізді.

 Мектеп медбикесі А.Батырбекова аяқ асты жарақат алған кездегі алғашқы медициналық көмектің қалай көрсетілетіндегі туралы оқушыларға түсіндірді.

  АӘТД пәнінің мұғалімі Ә.Исағұлов табиғи апат болған жағдайда не істеу керектігі туралы түсіндірме жұмыстарын жүргізе отырып, өрт сөндіру үшін керекті құралдарды пайдалану әдістерімен таныстырды.