"Мектебім, саған мың алғыс!" соңғы қоңырау
25 мамыр күні «Мектебім, саған мың алғыс!» атты салтанатты жиын өткізілді. «Мектебім, саған мың алғыс!» салтанатты жиыны мектептің спорт залында өткізілді. Алаң шарлармен, плакаттармен, гүлдермен безендірілді. Сондай-ақ соңғы қоңырау салтанатты жиынын өткізуге арналған сценарий құрылып мектеп директорымен бекітілді. Салтанатты жиын жүргізушілердің әдемі әндерімен басталды. Салтанатты жиынның қонақтары таныстырылды. Одан кейін соңғы қоңырау әуенімен мектеп бітіруші түлектер 11,9 - сынып құрметпен ортаға шақырылды. Салтанатты жиынның алғашқы құттықтау сөзі мен мұғалімдерді марапаттау үшін мектеп директоры Джексембиева Назерке Нұрбақытқызына берілді. Мереке құрметіне арналып 9-сынып оқушылары Сейтжанқызы Жансая мен Отарбаева Ақнұрдың орындауда «Тек алға!» әні шырқалды. Келесі құттықтау сөз бен мектепті марапаттау үшін ауыл әкімі Жұмабек Әлішер Қайратбекұлына берілді. Әлішер Қайратбекұлы оқу жылының аяқталуымен құттықтап, түлектерге ақжол тілеп жылы лебізін білдірді.
Мектеп түлектері өздерінен кейінгі 10-сынып оқушыларына өсиеттерін айтып, білімнің алтын кілтін тапсырды. Одан кейін мектеп түлектеріне сөз берілді. Мектеп бітіруші түлектер жүрек жарды құттықтауларын айтып, «Қош бол, мектеп!», «Қимай тұрмын» әнін орындап, қоштасу вальсін биледі. Сәлден соң мектеп түлектері үшін асыға күткен соңғы қоңыраудың әсем сазы, жүректі дір еткізер үні естілді.
Салтанатты мерекеде соңғы қоңырау соғу құрметі мектебіміздің 11 - сынып оқушылары Иманәлі Әлинұр,Муханова Индира және 1-сынып оқушылары Байжігіт Бекнұр мен Манат Айаруға берілді.
