«Көктем аруы-2022» байқауы

   «Жас Ұлан» бірыңғай балалар мен жасөспірімдер ұйымының іс-шара жоспарына сәйкес наурыз айының 11 күні «Еңбек» бағыты бойынша 7-10 сынып оқушылары арасында «Көктем аруы-2022» байқауы ұйымдастырылып өткізілді. Мақсаты: қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тәрбиелеу. Оқушының бойындағы өнері мен дарындылығын дамыту.

            Көктем аруы-2022» байқауына 7-10 сынып   оқушылары арасынан 7 оқушы қатысты. Сайыстың шарты бойынша арулар 6-кезең бойынша өздерін таныстырып, өнерлерін көрсетіп, салт-дәстүрге байланысты сұрақтарға жауап беріп, қол-өнерлерімен, сән үлгісімен бөлісті. Әр кезең бойынша төрешілер арулардың өнерін бағалап отырды. Байқау соңында төрешілер арулардың жинаған ұпай сандарын қосып, қорытынды шығарды. «Көктем аруы -2022» байқауының нәтижесі бойынша қатысқан аруларымыздың барлығы жүлделі номинацияларға ие болды. «Көктем аруы-2022» жүлдесін 10-сынып оқушысы Амангелді Аяулым иеленді.