Мақсаты: Оқушылар пікір таластыра отырып, ұялы телефонның қауіпті және қауіпсіз жақтары жөнінде білімін жетілдіру. Оқушылардың өз ойларын тұжырымдап айта білуге, жан-жақты іздене білуге, өз пкірін дәлелдей білуге, жан-жақты іздене білуге, өз пікірін дәлелдемелер келтіре отырып, жүйелі айтуға және пікірін дәлелдей білуге, біреудің пікірімен санаса білуге дағдыландыру. 

Шешендік өнер мен ой ұшқырлығы сынға түсетін бұл ойында  «Алаш» және «Болашақ жастары» дебаттық тобының мүшелері  тәртіпке бағынып, тақырып аясында дәлелдер келтіріп, батылдық пен әдептілік танытты. Әр тарап бір-біріне  айтылған қарсы пікірге қарамастан, ойларының дұрыстығын дәлелдеді. Ойын кезінде қарарға қатысты үкімет лидері шығып, өз дефинициясын, құрған кейсін, аргументтерін ортаға тастап, фактімен дәлелдеп, статистиканы айта отырыды.  Оппозицияның лидері үкімет лидерінің кейсін құлату үшін қарсылық білдіріп, өз кейсін құрды. Үкімет тобының екі спикері оппозиция тобы лидерінің кейсіне қарсылық білдіріп,  өз аргументтерін құрды. Ойын соңында әр топтан бір спикер сараптама жасап, позицияларының дұрыс екенін дәлелдеп, ойынды қорытындылады. Ойын нәтижесінде төреші С.Батыршаева жеңімпаздарды анықтап, марапаттады.

  Жастар қашанда қоғамның қозғаушы күші. Болашағын бағалайтын мемлекет жастарының санасы ояу, білімінің жоғары болуына басты мән береді. Дін – санаға әсер ететін күш. Ал сана жастардың өмірлік ұстанымдарын қалыптастырып, ынта мен күш-жігерлерін арттырушы. Саналық негіз қалай қалыптасса, жастарда солай қарай бой түземек. Абай Құнанбаев: «Адамның жақсы болуы тегінде емес, тәрбиесінде. Тәрбие ата –анасы, ұстазы, ортасы арқылы қалыптасады. Жас өсе келе қай ортаны жақсы көрсе, сол ортаның ықпалы жастардың санасына көп ықпал етеді», деген болатын қара сөзінде. “Адам баласын заман өсіреді, кімде-кім жаман болса, оған замандастарының бәрі кінәлі”, – деп Абай Құнанбаев ұлағатты сөз айтқан. Жастардың дүние танымы отбасындағы рухани құндылықтар мен тәрбиелік жауапкершіліктен бастау алады. Бұндай мәселе мемлекет, қоғам, адам дамуының маңызды жақтарын ашып көрсетеді. Сондықтан мемлекеттің жастарды тәрбиелеуге, дамытуға, рухани бай және тәні сау жастар ортасын қалыптастырып дамыту үшін қолайлы жағдай жасауды қолға алып ерекше көңіл бөлуі өте маңызды.

Әңгіме сағаты барысында қазіргі қоғамдағы дәстүрлі дінге жат жаһандық ақпараттық-коммуникациялық желілер арқылы тарап жатқан экстремистік және террористік идеяларды белсенді насихаттайтын топтар және олардан сақтану жолдары жайлы кеңінен түсіндіріліп,бейнероликтер көрсетілді. Білім алушылар да өте белсенді қатысып, ашық әңгімеге өз ойларын еркін айтып отырды.

   Мақсаты: оқушыларға ғарыш әлемі туралы түсінік бере отырып, алғаш самғаған әлемдік және қазақстандық ғарышкерлер туралы мағлұмат беру, ғарыш әлеміне деген қызығушылық және танымдық қабілетін арттыру.

   Оқушылар қарындаштар мен бояулардың көмегімен тақырыпқа байланысты өз ойлары мен эмоцияларын қағазға жеткізді. Бір-біріне ұқсастығы жоқ ғарыш айлағының суреттері тым әдемі,  қызықты, мағыналы болды. Оқушылар Ғарыш әлеміне  байланысты өздерінің идеяларын бейнелеуге тырысты. 

  Сурет байқауының қорытындысында төрешілер әр оқушының жұмысын атап өтіп,  7 оқушының жұмысын  үздік деп таңдалды. 

   Сайыс нәтижесі бойынша І орынды 5-сынып оқушысы Оразбекқызы Раушан мен 4-сынып оқушысы Бердіқанқызы Айшуақ, ІІ орынды 5-сынып оқушылары Ілияс Әлия, Сейсебаева Айым мен 4-сынып оқушысы Амангелді Асыл, ІІІ орынды 5-сынып оқушылары Амангелді Жанел пен 4-сынып оқушысы Ахан Әмина иеленді.